抵玩暑期亲子套票Travel佳
发表于 2020-07-11
阅读（447）
(Presented by 香港愉景湾酒店)
难得去到一个有山有水又唔逼嘅地方，点都要踩转单车亲亲大自然！ 
参加小厨神杯蛋糕工作坊，亲身装饰个人化cupcake，完成后仲可以食埋件製成品落肚。 
马赛克拼贴班俾小朋友由零开始砌出一个专属自己嘅相架，发挥创意。 
学整再造纸除咗好玩，仲可以向小朋友贯灌输埋环保意识，好有教育意义。 
Kid’s Club有气垫球、足球机等游戏设施，啱晒一家人欢度亲子时间。 
海鲜拼盘拼盘包括小龙虾、鳕场蟹脚、蓝青口同埋熟虾，肥美肉厚，海鲜控一定食到忍唔到口。 
香煎盲鰽鱼柳配紫薯忌廉汁盲鰽鱼属于淡味啲嘅鱼，肉质比较结实，配合紫薯忌廉汁令到整体鲜味更加突出。 
杂锦串烧新推串烧系列以大厨特别调製嘅8款特色风味酱做主角，好似有蒜梨、松露黑醋、森巴酱等，非常惹味！ 
彩虹七色薄饼一睇就知係健康之选，食落去有水果嘅酸甜，又有蔬菜嘅清新，完全冇油腻感，反而愈食愈开胃。 
消暑甜品7种甜品颜色分别嚟自士多啤梨、柑橘、柠檬、绿茶、蜜瓜、蓝莓同紫薯，味道天然，而且卖相精緻，要试晒真係需要多一个胃。 
棉花糖小红莓蛋糕呢款蛋糕绝对会成为小朋友嘅「人生的抉择」，每一面都有咁多唔同款式味道嘅棉花糖，究竟应该拣边面好呢？
身边好多同事朋友都已经成家立室，连仔都生埋，所以一到暑假就特别多人问我有咩family fun好去处。既然咁多人想知，索性喺度同大家分享今个暑假我最推介嘅其中一个 亲子游地点。
夏日本地游推介
唔洗我多介绍，大家都知愉景湾环境有几清幽宁静，如果你地一家都锺意去啲少人啲又好玩嘅地方放鬆，嚟紧要介绍嘅香港愉景湾酒店package就啱晒喇！佢哋推出咗夏日历奇住宿优惠同埋童梦城住宿优惠2款package，两者最大分别係前者$1,818起包Epicland门票，里面有亚洲最大室内滑梯同各种刺激游戏任玩；后者就$1,688起包机场童梦城通识学园门票，可以一边体验职业模拟游戏一边享受亲子学习过程。
无限玩乐体验
另外，今年酒店为住客安排咗一连串有趣益智嘅游戏活动，当中包括各式各样嘅DIY工作坊、亲子烹饪班同埋斗智斗力嘅亲子竞技等，小朋友可以喺活动中尽情发挥无穷创意同想像力，家长又可以从中同仔女促进亲子关係，一举两得。酒店2楼亦有个Kid’s Club，里面有齐动态同静态游戏，就算留喺酒店一日都唔会闷。
视觉系Buffet
有得玩、有得住当然唔少得食，新登场嘅自助餐贯彻Summer主题，主打鲜艳夺目嘅海鲜同蔬果。卖相同配搭方面都落足心机够晒惊喜，好似彩虹七色薄饼咁，饼面铺咗7种蔬菜同水果，好有夏日充满活力嘅感觉。消暑甜品都唔可以错过，全部都用咗鲜果入馔，相信大家都想像到几Colorful，而且味道仲好清新，仲有就係有得任食Häagen-Dazs雪糕，係咪听见都流口水呢？
香港愉景湾酒店
地址：大屿山愉景湾海澄湖畔路88号
电话：2295 8288
住宿优惠期：即日至
网址
